बेकी दर्शन....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

बेकी दर्शन

एकी दाखवायच्या प्रयत्नात,
हमखास बेकी दिसली जाते.
तोंडदेखलेपणा करता करता,
त्यांची दातखिळी बसली जाते.

महाआघाडी असो वा महायुती,
सगळ्यांनाच ही भीती असते.
तरीही सगळ्यांकडूनच,
पुन्हा पुन्हा तीच कृती असते.

जशी एकी दाखवली जाते,
तशी बेकीही दाखवली जाते !
आतल्या गोटामधूनच तर,
बेकीची चर्चा पिकवली जाते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8451
दैनिक झुंजार नेता
वर्ष -24वे
15जानेवारी 2024