रामायण लाईव्ह...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

रामायण लाईव्ह

कुणी फ्रंट फुटवर आला की,
कुणाचा सरळ बॅक ड्राईव्ह आहे.
जिकडे बघावे तिकडे,
आजकाल 'रामायण लाईव्ह' आहे.

कुठे राम आहे;कुठे रावण आहे,
सगळीकडे माकडांची फौज आहे.
त्यांनी लक्ष्मण रेषा ओलांडली की,
आपल्यासाठी मौजच मौज आहे.

आपल्या मते रामायण लाईव्ह,
त्यांच्या मते हे राम राज्य आहे !
प्रत्यक्ष वाल्मिकीसुद्धा हत बुद्ध,
आजकाल वालीही पूज्य आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8460
दैनिक झुंजार नेता
वर्ष -24वे
24जानेवारी 2024