बदनामीचे डावपेच...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

बदनामीचे डावपेच

यांचे त्यांना ; त्यांचे यांना,
अत्यंत विषारी चावे आहेत.
जिकडे बघावे तिकडे,
हल्ली बदनामीचे दावे आहेत.

नामी लोकांची बदनामी होते,
इथे तर सगळेच बदनाम आहेत.
एकमेकांच्या आरोपांमुळे,
त्यांना दरदरून घाम आहेत.

आपल्या हातानेच आपल्या,
त्यांची तोंडामध्ये माती आहे !
बदनामीच्या दावा ठोकणे,
एवढाच उपाय हाती आहे !


-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8577
दैनिक झुंजार नेता
वर्ष -24वे
30मे2024