सावधान....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

सावधान....

जे जे राजकारणाने पेरले,
ते समाजकारणात उगवू लागले.
गावोगावाचे गावकारण,
गावाकडूनच नागवू लागले.

कुठे उगवण थोडीफार,
कुठे उगवण अगदी जोरात आहे.
गोडपणा जाऊन कडवटपणा,
आज गावोगावच्या सुरात आहे.

अजूनही वेळ गेली नाही,
ही विषपेरणी आवरू शकता !
उंटांवरच्या शहाण्यांची गरज नाही,
तुम्हीच तुम्हाला सावरू शकता !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8574
दैनिक झुंजार नेता
वर्ष -24वे
27मे2024