आचारसंहितेची वस्तुस्थिती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

आचारसंहितेची वस्तुस्थिती

असून अडचण नसून खोळंबा
तिचेच नाव आचारसंहिता आहे.
गोंधळात गोंधळ वाढवणारी,
गाढवासमोर वाचलेली गीता आहे.

ज्यांनी आचारसंहिता पाळायची,
तेच सोयीनुसार मोडत असतात.
ज्यांचे काही देणे घेणे नाही,
नेमके तेच बळी पडत असतात.

आचारसंहिता पाळतो तो वेडा,
न पाळणाराच इथे शहाणा आहे !
ज्याला करायची उडवा उडवी,
त्याच्यासाठी आयताच बहाणा आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8573
दैनिक झुंजार नेता
वर्ष -24वे
26मे2024