घरफोडीचा पंचनामा...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

घरफोडीचा पंचनामा

ज्यांनी घातला दरोडा,
त्या दरोडेखोरांचे अपील आहे.
आम्ही दरोडा घालणारच,
जिथे घरमालक गाफील आहे.

ह्या चोरांच्या उलट्या बोंबा आहेत,
असे आपल्याला वाटू शकते.
दरोडेखोरांचे प्रतिपादनही,
आपल्याला नक्की पटू शकते.

ज्यांचे घर फुटले त्यांना सांगा,
सगळ्या वैऱ्याच्याच राती आहेत !
जमादारखान्याच्या किल्ल्याही,
हल्ली चोरांच्याच हाती आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8566
दैनिक झुंजार नेता
वर्ष -24वे
19मे2024