पॉलिटिकल सेटिंग...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

--------------------------

पॉलिटिकल सेटिंग

आपले ते समाजकारण,

दुसऱ्याचा तो जातीयवाद असतो.

आपले तेच खरे करण्याचा,

राजकारण्यांना नाद असतो.

जातीविरुद्ध जात;धर्मविरुद्ध धर्म,

बेमालूमपणे पेटवले जातात.

जातकारण आणि धर्मकारणाचे,

राजकीय फायदे उठवले जातात.

कधी कधी जातकारणाला,

समाजकारणाचे कोटींग असते !

दुसऱ्याचा तो अपप्रचार,

आपली मात्र सेटिंग असते !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-8555

दैनिक झुंजार नेता

वर्ष -24वे

7मे2024