कर्म धर्म संयोग....मराठी वात्रटिका

आजची वात्रटिका
------------------------

कर्म धर्म संयोग

ज्याला जसे ताणता येईल,
तसे त्याच्याकडून ताणले जाते.
विसंवादाला संवादाने,
पुन्हा पुन्हा एकत्र आणले जाते.

आघाड्यांमधली ताणाताणी,
अगदी अखंडपणे चालूच असते.
सहन होत नाही;सांगता येत नाही,
सर्वांनाच सत्तेची लालूच असते.

प्रत्येकाच्या अधर्मालाच,
आघाडीचा धर्म म्हटले जाते!
तरीही आघाडी फुटलीच तर,
त्याला आघाडीचे कर्म म्हटले जाते!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6710
दैनिक पुण्यनगरी
वर्ष -18 वे
4फेब्रुवारी2023
 

सोशल मोबॅलिटी...3फेब्रुवारी 2023

आजची वात्रटिका
------------------------

सोशल मोबॅलिटी

कुणी आत्ममग्न होऊ लागले,
कुणी मनोरुग्न होऊ लागले.
चांगल्या चांगल्या लोकांचे,
चक्क मेंदू भग्न होऊ लागले.

आपले खाजगी आयुष्यही,
शेअर वर शेअर आहे.
ते तेही दाखवायला लागले,
आज कोणती अंडरवेअर आहे?

शॉर्ट व्हिडिओ मुळे तर,
काहीही रिलीज होऊ लागले!
असलेले नसलेले सगळे टॅलेंट,
मीडियावर उतू जाऊ लागले!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8166
दैनिक झुंजार नेता
वर्ष -23वे
3फेब्रुवारी 2023
 

कवींचे गट...मराठी वात्रटिका

आजची वात्रटिका
------------------------

कवींचे गट

जे मंचावर गळे काढतात,
ते मंचीय कवी असतात.
व्वा क्या बात है वाले,
पक्के पंचीय कवी असतात.

कविता डोक्यावरून जाते,
ते उंचीय कवी असतात.
ज्यांची कविता मादक आणि टंच,
ते तर टंचीय कवी असतात.

ज्यांचा असतो कळप,
ते सर्व संचीय कवी असतात!
बियर आणि चिअर वाले,
ते बंचीय कवी असतात !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6709
दैनिक पुण्यनगरी
वर्ष -18 वे
3फेब्रुवारी2023
 

बजेटची ठसठस...मराठी वात्रटिका

आजची वात्रटिका

--------------------------

बजेटची ठसठस

अर्थसंकल्प कुणाचाही असो,

त्याला इलेक्शनचा वास असतो.

हेच सत्य ठसवायचा,

विरोधकांचाही अट्टहास असतो.

इलेक्शनच्या केंद्रबिंदूभोवती,

अर्थ आणि संकल्प फिरला जातो!

सामान्य माणसांचा खिसा तर,

सगळ्यांकडूनच मारला जातो!!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-8165

दैनिक झुंजार नेता

वर्ष -23वे

2 फेब्रुवारी 2023

 

घरगुती बजेट....मराठी वात्रटिका

आजची वात्रटिका
--------------------------

घरगुती बजेट

आपल्या घराचे बजेट,
गृहमंत्र्याच्या हाती असते.
आपले बजेट गडगडू नये,
आपल्याला भीती असते.

अर्थमंतत्र्याला गृहमंत्र्याचा,
वेळोवेळी चेक असतो.
जरी आपला अर्थमंत्री अन,
गृहमंत्रीही एक असतो.

बचतीच्या मूलमंत्राला,
काटकसरीला ठसवले जाते !
तुटीच्या अर्थसंकल्पातही,
सगळे बजेट बसवले जातात!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6708
दैनिक पुण्यनगरी
वर्ष -18 वे
2फेब्रुवारी2023
 

भक्ती रहस्य...मराठी वात्रटिका

आजची वात्रटिका
--------------------------

भक्ती रहस्य

बुवा बाबांचे बिंग फुटले तरी,
भाविक भक्तांचे काही अडत नाही.
त्यांना कोणताही बुवा चालतो,
त्यांच्या भक्तीत खाडे पडत नाही.

परमार्थाच्या आडून का होईना,
खरा आपला स्वार्थ साधला जातो.
पहिला बाबा सोडून देऊन,
सरळ दुसरा बुवा शोधला जातो.

बुवा बाबांचा बलात्कारही,
भोळ्या भक्तांसाठी लीला असतो!
हे कुणी सांगायची गरज नाही,
भोळ्या भक्तांचा स्क्रू ढिला असतो!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
दैनिक वात्रटिका
1 फेब्रुवारी 2023
 

श्रद्धा सलामत तो...मराठी वात्रटिका

आजची वात्रटिका
--------------------------

श्रद्धा सलामत तो...

भक्त मंडळीच्या श्रद्धेला,
धक्क्यावर धक्के बसतात.
भक्तमंडळ जेवढे सख्खे,
तेवढेच श्रद्धेला पक्के असतात.

श्रद्धा सलामत तो गुरु पचास,
भक्तांचा विश्वास गाढा असतो !
गुरु आदला किंवा बदला,
भक्तांचा जुनाच पाढा असतो!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8164
दैनिक झुंजार नेता
वर्ष -23वे
1 फेब्रुवारी 2023
 

पक्षीय वाद...मराठी वात्रटिका

आजची वात्रटिका
----------------------

पक्षीय वाद

राजकीय पक्ष पक्षांचा,
सगळीकडेच वाद आहे.
राजकीय वादविवादाचा
सगळीकडेच नाद आहे.

पक्षीय फटाफुटी नंतर,
ज्याचे त्याचे तोरण आहे.
पक्ष,झेंडा आणि चिन्ह,
हे हुकुमाचे कारण आहे.

जे काल सख्खे होते,
तेच आज सावत्र होतात!
अगदी कट्टर दुश्मनही,
अगदीं जिगरी मित्र होतात!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8163
दैनिक झुंजार नेता
वर्ष -23वे
31जानेवारी2023
 

पदवीधर शिक्षक निवडणूक ...मराठी वात्रटिका

आजची वात्रटिका

----------------------

पदवीधर शिक्षक निवडणूक

कुणाला उमेदवार मिळला नाही,

कुणाला उमेदवार कळला नाही.

गोंधळात गोंधळाचा प्रकार,

कुणाकडूनसुद्धा टळला नाही.

कुणी उमेदवाराची निर्यात केली,

कुणी उमेदवाराची आयात केली !

ते ते त्यांनाच परके ठरले,

ज्यांची जिथे जिथे हयात गेली!!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6707

दैनिक पुण्यनगरी

वर्ष -18 वे

31जानेवारी2023

 

भोंदूगिरीच्या टिप्स... मराठी वात्रटिका

 आजची वात्रटिका

--------------------

भोंदूगिरीच्या टिप्स

शक्कल आणि नक्कल जमली की,

तुम्ही बुवा - बाबा झालेच समजा.

भाविक भक्त तयारच असतात,

ते लोटांगणाला आलेच समजा.

शक्कल आणि नकलेसोबत,

अजून काही गोष्टी शिकत चला.

तुम्ही कानफाटके असला तरी,

भक्तांचे कान नेहमी फुकत चला.

किर्तन आणि सत्संगाचे फड,

सगळीकडे जोरात रंगवत चला!

भक्तांची नशा उतरूच नये,

भक्तांना झिंग झिंग झिंगवत चला!!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-8162

दैनिक झुंजार नेता

वर्ष -23वे

30जानेवारी2023

----------------------------------

मराठी वात्रटिका

*विशेष सूचना-*

1)माझ्या वात्रटिकात काही आक्षेपार्ह वाटले तर माझ्या मूळ पोस्ट तपासाव्यात किंवा प्रत्यक्ष संपर्क साधून खात्री करा.

२)सदरील वात्रटिकमध्ये काही टायपिंग मिस्टेक असेल तर मला कळवा.

३) वैयक्तिक अभिप्रायाचे स्वागत.

जे वात्रटिका शेअर करत आहेत त्यांचे विशेष आभार.

4) माझ्या प्रसिद्ध असलेल्या 18 हजारांपेक्षा जास्त वात्रटिका 8 हजार पेक्षा जास्त वात्रटिका एका क्लिकवर वाचू शकता

https://suryakantdolase.blogspot.com/?m=1

५) माझ्या बाल वात्रटिका वाचण्यासाठी क्लिक करा

https://balsuryakanti.blogspot.com

६) सर्व काही एकाच ठिकाणी...एकाच ठिकाणी !! अर्थात *सप्ताहिक* *सूर्यकांती* खास मराठी वात्रटिकांसाठी वाहिलेले पाहिले आणि एकमेव साप्ताहिक https://weeklysuryakanti.blogspot.com

7) माझ्या *सूर्यकांती लाईव्ह* किंवा यूट्यूब चॅनलला कृपया भेट द्या...लाईक करा...*सबस्क्राईब* करा !! https://www.youtube.com/user/suryakantdolase

8 )आजपर्यंतचे सर्व वात्रटिका संग्रह डाऊनलोड करण्यासाठी क्लिक करा

https://vatratikaebooks.blogspot.com

९)माझ्या शेकडो कविता वाचण्यासाठी क्लिक करा

https://surykanti.blogspot.com

१०) माझ्या विडंबन कविता वाचण्यासाठी किलक करा

https://suryakanti1.blogspot.com

-सूर्यकांत डोळसे

 30जानेवारी2023

धिरेंद्रलीला...मराठी वात्रटिका

 आजची वात्रटिका
--------------------

धिरेंद्रलीला

एकदा नाही;दोनदा नाही,
हा प्रकार वारंवार आहे.
वादविवादाच्या भोवऱ्यात,
बागेश्वरचा दिव्य दरबार आहे.

चमत्काराला नमस्कार होतो,
टिंगलीसोबत टवाळी आहे.
जणू बालाजीच्या कृपेने,
स्वामीची जीभ लव्हाळी आहे.

अहंकाराची ओलांडली सीमा,
प्रत्येक शब्दा- शब्दात दंभ आहे!
भक्तांच्या वेड्या भक्तीवर,
बाबाची उलटी बोंबा बोंब आहे !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6706
दैनिक पुण्यनगरी
वर्ष -18 वे
30जानेवारी2023
 

आंधळे समर्थन...आंधळे समर्थन

आजची वात्रटिका
----------------------

आंधळे समर्थन

गुरु कितीही चुकला तरी,
भक्तांना चुकल्यासारखे वाटत नाही.
गुरु काहीही बकला तरी,
भक्तांना बकल्यासारखे वाटत नाही.

भाविक भक्तांची आंधळी भक्ती,
हीच गुरूंची खरी शक्ती असते.
गुरुच्या आंधळ्या समर्थनाची,
आंधळ्या भक्तांवर सक्ती असते.

यामुळेच बाबा बुवांचे पापही,
आंधळ्या भक्तांना मोठे पुण्य वाटते !
तुरुंगातल्यांचेही समर्थन करताना,
आंधधळ्या भक्तांना मोठे धन्य वाटते !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8161
दैनिक झुंजार नेता
वर्ष -23वे
29जानेवारी2023
 

दुःखद न्याय...आजची वात्रटिका

आजची वात्रटिका
----------------------

दुःखद न्याय

लोकांनी निवडून दिल्याचा,
ते गैरफायदा घेत आहेत.
न्यायदानाच्या नावाखाली,
ते हाती कायदा घेत आहेत.

ही कायद्याची टिंगल नाही तर,
तुम्हीच सांगा दुसरे काय आहे?
ते घालतात उघड धुडगूस,
त्यांच्या दृष्टीने हाच न्याय आहे.

त्यांना सत्तेची असते मस्ती,
त्यामुळे हिरोगिरीची हुक्की येते!
लोकांकडून होतो उदो उदो,
लोकशाही मात्र दुःखी होते!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6705
दैनिक पुण्यनगरी
वर्ष -18 वे
29जानेवारी2023
 

परीक्षेपे चर्चा...मराठी वात्रटिका

आजची वात्रटिका
------------------

परीक्षेपे चर्चा

कुणीकडून कुणीकडे,
मोर्चावर मोर्चा आहे.
चहापासून परीक्षेपर्यंत,
चर्चा एके चर्चा आहे.

दिल्लीपासून गल्लीपर्यंत,
चर्चेला रंग चढले.
प्रश्नांच्या चौकारावर,
उत्तरांचे षटकार पडले.

कुठे भक्ती कामी आली,
कुठे सक्ती कामी आली!
परीक्षेचा मूलमंत्र देताना,
खरी युक्ती कामी आली!!

-सूर्यकांत डॊळसे,पाटोदा(बीड)
मोबाईल-9923847269
------------------------------
फेरफटका-8160
दैनिक झुंजार नेता
वर्ष -23वे
28जानेवारी2023
 

राजकीय सेतू....मराठी वात्रटिका

आजची वात्रटिका
------------------

राजकीय सेतू

कुणाच्या मागे वंचित आहे,
कुणाच्या मागे संचित आहे.
वंचित आणि संचितमध्ये.
फरक अगदी किंचित आहे.

जसा कुणी स्वयंप्रकाशी आहे,
तसा कुणी परप्रकाशी आहे.
जशी कुणाची नजर पायाशी,
तशी कुणाची आकाशी आहे.

जसा यांचा एक हेतू आहे,
तसा त्यांचा एक हेतू आहे!
आजोबांपासून नातवांपर्यंत,
नवा राजकीय सेतू आहे !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6704
दैनिक पुण्यनगरी
वर्ष -18 वे
28जानेवारी2023
 

कारण इथे प्रजेचे राज्य आहे...मराठी वात्रटिका

आजची वात्रटिका

-------------------------

कारण इथे प्रजेचे राज्य आहे

हैदोस आणि स्वैराचाराला,

इथला प्रत्येक जण सज्ज आहे.

इथे कुणाला भितो कोण?

कारण इथे प्रजेचे राज्य आहे.

प्रांतांचे प्रांतांना पडलेले,

आपापला जाती धर्म पूज्य आहे.

इथे देशापेक्षा जो तो मोठा,

कारण इथे प्रजेचे राज्य आहे.

क्षुल्लक गोष्टी अस्मिता झाल्या,

इथे राष्ट्रभावनाही त्याज्य आहे.

मग भावना कोमल होणारच,

कारण इथे प्रजेचे राज्य आहे.

हक्कांसाठी जो तो भांडतो,

कर्तव्य भावना लाज्य आहे.

आधी पोटोबा, मग खेटोबा,

कारण इथे प्रजेचे राज्य आहे.

अन्यायी अत्याचारी शिरजोर,

जो आरोपी, तोच जज्ज आहे.

न्यायव्यवस्थेला मोजतो कोण?

कारण इथे प्रजेचे राज्य आहे.

जो तो एकमेकांची खाजवतो

इथले राजकारण खाज्य आहे!

घटना - बिटना मानतो कोण?

कारण इथे प्रजेचे राज्य आहे!!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6703

दैनिक पुण्यनगरी

वर्ष -18 वे

26जानेवारी2023

 

ऑफिशियल संस्कृती...मराठी वात्रटिका

आजची वात्रटिका
----------------------------

ऑफिशियल संस्कृती

कार्य तत्परतेची संस्कृती,
अजूनही इथे रुजली नाही.
अशी एकही फाईल नसेल,
जी ऑफिसात कुजली नाही.

फाईल सडवली अडवली जाते,
कधी कधी फाईल दडवली जाते.
भ्रष्टाचाराच्या किड्यांकडून,
संपूर्ण यंत्रणा सडवली जाते.

सडवणूक आणि अडवणूक,
ही ऑफिशियल संस्कृती आहे!
मुक स्वीकृती देत देत,
विकृतीच्या जोडीला विकृती आहे!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8159
दैनिक झुंजार नेता
वर्ष -23वे
26जानेवारी2023
 

स्वार्थी विकास....मराठी वात्रटिका

आजची वात्रटिका
-------------------------

स्वार्थी विकास

खेड्यापाड्यातला भारत,
विकासाची प्रतीक्षा करतो आहे.
महानगरांच्या महामार्गावरून,
विकास मात्र ऐटीत फिरतो आहे.

चमचामाट आणि घमघमाट,
याच्यातच विकास अडकला आहे.
खेड्यापाड्यांना बायपास करीत,
विकासाचा झेंडा फडकला आहे.

खेड्याकडे चला, खेड्याकडे चला,
असे विकासाला विनवावे लागेल!
नसता शहरी विकासालाही,
स्वार्थी म्हणून हिनवावे लागेल!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6702
दैनिक पुण्यनगरी
वर्ष -18 वे
25जानेवारी2023
 

सत्यप्रिय...मराठी वात्रटिका

आजची वात्रटिका
--------------------------

सत्यप्रिय

सत्यवादी व्हा; सत्यवेधी व्हा,
मिथ्यत्यागी व्हा;सत्ययोगी व्हा.
सत्यप्रकाश व्हा;सत्य आकाश व्हा,
सत्यजोगी व्हा;सत्यभोगी व्हा.

सत्यमान व्हा;सत्यवान व्हा,
सत्य असे भिनले पाहिजे!
तुमच्या शत्रू असला तरी,
त्याने तुम्हांस मानले पाहिजे !!

-सूर्यकांत डॊळसे,पाटोदा(बीड)
मोबाईल-9923847269
----------------------------------
फेरफटका-8158
दैनिक झुंजार नेता
वर्ष -23वे
24जानेवारी2023
 

बाळासाहेबांचे तैलचित्र..आजची वात्रटिका

आजची वात्रटिका
-------------------------

बाळासाहेबांचे तैलचित्र

ऐलचित्र लागले,पैलचित्र लागले,
उशिरा का होईना तैलचित्र लागले.
जसे अत्र जागले;तसे तत्र जागले,
विधानभवनासह सर्वत्र जागले.

कुणासाठी तो ऑइल पेंट आहे,
कुणाला पॉलिटिकल सेंट आहे!
बाळासाहेबांच्या ठाकरी विचाराला,
हेच खरे पोएट्रिक जजमेंट आहे!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6701
दैनिक पुण्यनगरी
वर्ष -18 वे
24जानेवारी2023
 

दिव्य दरबार.....मराठी वात्रटिका

आजची वात्रटिका
-------------------------------

दिव्य दरबार

जसे गुरु दिव्य आहेत,
तसे भक्तही दिव्य आहेत.
दरबारातील बाबांचे प्रताप,
खरोखरच श्राव्य आहेत.

भक्तांना वाटू लागते,
ही तर बाबांची लीला आहे.
खरे तर भक्तांबरोबर,
बाबांचा स्क्रू ढिला आहे.

कशाला देवेंद्र पाहिजे?
कशाला नरेंद्र पाहिजे?
देशाच्या उद्धारासाठी,
गल्लोगल्ली धिरेंद्र पाहिजे!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8157
दैनिक झुंजार नेता
वर्ष -23वे
23जानेवारी2023
 

कुस्त्यांची दंगल....मराठी वात्रटिका

आजची वात्रटिका
-------------------------

कुस्त्यांची दंगल

जिकडे बघावे तिकडे,
सध्या कुस्त्यांची दंगल आहे.
कुणी कसा विश्वास ठेवावा?
सगळेच काही मंगल आहे?

कुणी लंगोट कसला आहे,
कुणी लंगोट टाकला आहे.
बोलक्या ढोलक्या मल्लांनी,
नाहक शड्डू ठोकला आहे.

आरोप प्रत्यारोपांची तोफ,
जोरजोरात धडाडते आहे!
अन्याय अत्याचाराच्या विरोधात,
हलगी जोरात कडाडते आहे!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6700
दैनिक पुण्यनगरी
वर्ष -18 वे
23जानेवारी2023