घरगुती बजेट....मराठी वात्रटिका

आजची वात्रटिका
--------------------------

घरगुती बजेट

आपल्या घराचे बजेट,
गृहमंत्र्याच्या हाती असते.
आपले बजेट गडगडू नये,
आपल्याला भीती असते.

अर्थमंतत्र्याला गृहमंत्र्याचा,
वेळोवेळी चेक असतो.
जरी आपला अर्थमंत्री अन,
गृहमंत्रीही एक असतो.

बचतीच्या मूलमंत्राला,
काटकसरीला ठसवले जाते !
तुटीच्या अर्थसंकल्पातही,
सगळे बजेट बसवले जातात!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6708
दैनिक पुण्यनगरी
वर्ष -18 वे
2फेब्रुवारी2023