अदृश्य महाशक्ती....मराठी वात्रटिका

आजची वात्रटिका
------------------------

अदृश्य महाशक्ती

सत्ता असून आमदार गेले,
आमदार पाठोपाठ खासदार गेले.
आमदार खासदारांनाविना,
नगरसेवक आणि नगराध्यक्ष नेले.

आजी गेले, माजी नेले,
राजी नसूनसुध्दा नाविलाने गेले.
नाविलाजा पाठोपाठ चिन्ह गेले,
चिन्हासोबत पक्ष आणि नाव गेले.

होत्याचे चक्क नव्हते झाले,
नव्हत्याचे चक्क होते झाले!
एवढे सारे अनर्थ म्हणे,
एका,अदृश्य महाशक्तीने केले !!

-सूर्यकांत डॊळसे,पाटोदा(बीड)
मोबाईल-9923847269
-----------------------
फेरफटका-8182
दैनिक झुंजार नेता
वर्ष -23वे
21फेब्रुवारी 2023