------------------------
उत्सवांचा बाजार
उत्सव जेवढे दिखावू झाले,
उत्सव तेवढे विकाऊ झाले.
टिकाऊ व्हायचे राहिले बाजूला,
उलट उत्सव टाकावू झाले.
उत्सवांचे बाजार झाले,
सगळेच महात्मे बेजार झाले.
उथळता आणि सवंगतेचे
उत्सवांना साथीचे आजार झाले.
जिथे विकृतीची स्वीकृती होते,
तेच उत्सव आज स्वीकृत झाले !
विकृतीची स्पर्धा लागल्यामुळे,
दुर्दैवाने उत्सव सारे विकृत झाले !!
-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6727
दैनिक पुण्यनगरी
वर्ष -18 वे
21फेब्रुवारी2023
No comments:
Post a Comment