राज्यपालांतर ..मराठी वात्रटिका

आजची वात्रटिका

--------------------------

राज्यपालांतर

तुम्ही आता जाऊ शकता,

असे जरा ऐसपैस म्हणाले.

अखेर राज्यपाल पदावरती,

रमेश यांना बैस म्हणाले.

पुढच्यास बसली ठेच,

मागच्यांनी तरी शहाणे व्हावे.

पदाने मोठे असले तरी,

महापुरुषापेक्षा लहान व्हावे.

देर आये,दुरुस्त आये;

याचे राज्याला समाधान आहे !

कळसुत्री बाहुले वाटू नये,

राज्यपाल राज्याची शान आहे!!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6718

दैनिक पुण्यनगरी

वर्ष -18 वे

13फेब्रुवारी2023