लोकशाहीची गळचेपी...मराठी वात्रटिका

आजची वात्रटिका
------------------------

लोकशाहीची गळचेपी

हुकूमशाही आणि बेबंदशाहीत,
आपली लोकशाही हरपली आहे.
घराणेशाहीची कीड तर,
लोकशाहीत सर्वत्र झिरपली आहे.

बाबुशाही आणि खाबूशाहीशी,
आपल्या लोकशाहीची टस्सल आहे.
गुंडशाही आणि पुंडशाही म्हणते,
आमचीच तर शाही अस्सल आहे.

बहुमताचे आकडे दाखवीत,
तोऱ्यामध्ये आज झुंडशाही आहे !
दंड आणि अहंगंड थोपटीत,
शिरजोड आज बंडशाही आहे !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6724
दैनिक पुण्यनगरी
वर्ष -18 वे
19फेब्रुवारी2023