आवडता दुष्काळ.... मराठीतील प्रसिद्ध वात्रटिकाकार व्याख्याते सूर्यकांत डोळसे यांची वात्रटिका

आजची वात्रटिका 

----------------------------------

आवडता दुष्काळ

दुष्काळाचा फायदा घेत

पंप हात मारू लागले.

टँकर्सही चेष्टा करीत

आल्यासारखे करू लागले.

भलत्याच खुशीमध्ये

टँकर लॉबी आहे.

पिकांच्या आणेवारीपुढे

दुष्काळाची समस्या उभी आहे.

टंचाई असो वा दुष्काळ?

आलेली संधी सोडतो कोण?

दुष्काळ आवडे सर्वाना

नसल्या भानगडीत पडतो कोण?

- सूर्यकांत डोळसे, पाटोदा (बीड)

मोबाईल.9923847269

--------------------------

चिमटा l दैनिक पुण्यनगरी l 4 मे 2012