चलती का नाम गाडी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

चलती का नाम गाडी

आघाड्यांचा आणि युत्यांचा,
खेळच खरोखर न्यारा असतो.
आघाडी आणि युतीधर्म निभावताना,
सर्वांना आपला पक्षच प्यारा असतो.

किमान समान कार्यक्रम करून,
एक कॉमन अजेंडा आखला जातो.
विसंवादावर विसंवाद झाले तरी,
मजबुरीपुढे अहंकार झुकला जातो.

आघाडी आणि युती तुटत नाही,
ही कल्पनाच तशी भ्रामक असते !
चलती का नाम गाडी...
आघाडी आणि युतीचे गमक असते !!

-सूर्यकांत डॊळसे,पाटोदा(बीड)
मोबाईल-9923847269
-------------------------
चिमटा-6813
दैनिक पुण्यनगरी
वर्ष -19वे
22मे2023