राजकीय चित्रपट...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

राजकीय चित्रपट

एकमेकांचे उरले सुरले कपडे,
नेते जाहीरपणे फेडायला लागले.
परस्परांच्या आयुष्यावरती,
नेते चित्रपट काढायला लागले.

चिमटे आहेत,लचके आहेत,
एकमेकांना जोरात लाफा आहेत.
चित्रपटांचे भाग भांडवल म्हणजे,
एकमेकांच्या तोंडाच्या वाफा आहेत.

चित्रपट जेवढे कॉमेडी होतील,
तेवढेच चित्रपट हॉरर असतील!
जेवढे साईडहिरो हिरो बनतील,
तेवढेच शेवटही टेरर असतील!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8264
दैनिक झुंजार नेता
वर्ष -23वे
28म22023