आघाडीतील खेचाखेच...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

आघाडीतील खेचाखेच

परस्पर विरोधी राजकारण,
एका पेक्षा एक झकास आहे.
तीन तिघाडे काम बिघाडे,
हाच त्यांचा महाविकास आहे.

आघाडीकडून बिघाडीकडे,
हाच बाणा देहबोलीत आहे.
एकाकडून दुसऱ्याच्या हाती,
अगदी आयतेच कोलीत आहे.

नेतेच एकमेकांना कोलू लागले,
कार्यकर्त्यांपुढे मात्र पेच आहे !
महाविकास राहिला बाजूला,
आघाडीत रोज खेचाखेच आहे!!

-सूर्यकांत डॊळसे,पाटोदा(बीड)
मोबाईल-9923847269
----------------------------------
चिमटा-6802
दैनिक पुण्यनगरी
वर्ष -19वे
10मे2023