नैतिकतेची चढाओढ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

नैतिकतेची चढाओढ

राजकीय नैतिकतेवरच्या,
प्रतिक्रियाच बोलक्या आहेत.
परस्परांवर कुरघोड्या करणाऱ्या,
प्रतिक्रियाही शेलक्या आहेत.

एकमेकांच्या नैतिकतेचा बुरखा,
ते फाड फाड फाडायला लागले.
अंगावरचे उरले सुरलेसुद्धा,
ते जाहीरपणे फेडायला लागले.

जशी छिनालांच्या खांद्यावर,
आज नैतिकतेची पालखी आहे !
नैतिकतेची चढाओढ लागली,
विजयपथावर छिनालकी आहे!!

-सूर्यकांत डॊळसे,पाटोदा(बीड)
मोबाईल-9923847269
-----------------------------
दैनिक वात्रटिका
13मे2023