सबूरीचा सल्ला....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

सबूरीचा सल्ला

विजयाचे व्यसन लागले की,
एखादा पराभवही पचत नाही.
मग काय बरळावे? काय नाही?
हे सुद्धा मग नीट सुचत नाही.

विजयाचा नक्की जल्लोष करावा,
पण पराभवाचाही क्लेश होवू नये.
विजयावर नक्कीच प्रेम करावे,
पण पराभवाचाही द्वेष होवू नये.

विजयाचे आणि पराभवाचेही,
मंथन आणि आत्मचिंतन व्हावे !
ह्या एकाच नाण्याच्या दोन बाजू,
याचे स्मरण अगदी चिरंतन व्हावे !!

-सूर्यकांत डॊळसे,पाटोदा(बीड)
मोबाईल-9923847269
-----------------------------------
चिमटा-6806
दैनिक पुण्यनगरी
वर्ष -19वे
15मे2023