चमच्यांचा चमचमाट...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

चमच्यांचा चमचमाट

कधी वाटतात ते तुमचे आहेत,
कधी वाटतात ते आमचे आहेत.
त्यांची हलवाहलवी बघून कळते,
हे तर सगळे पट्टीचे चमचे आहेत.

कधी त्यांची हलवाहलवी असते,
कधी त्यांची ढवळाढवळ असते.
स्वतःची एक वेगळी ओळख,
प्रत्येकच चमच्याजवळ असते.

चमकोगिरी आणि चमचेगिरी,
यांचा तर चमचमाट केला असतो!
आयजीच्या जीवावर बायजी उदार,
तरी चमच्यांकडून थाट केला जातो !!

-सूर्यकांत डॊळसे,पाटोदा(बीड)
मोबाईल-9923847269
----------------------------------
चिमटा-6818
दैनिक पुण्यनगरी
वर्ष -19वे
29मे2023