कर्नाटक इफेक्ट...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

कर्नाटक इफेक्ट

कर्नाटकाच्या एका विजयाने,
सगळे विरोधक चार्ज झाले आहेत.
छोटे मोठे सगळे मतभेद,
बघता बघता वर्ज्य झाले आहेत.

होत्या नव्हत्या त्या धुसफुशी,
हळूहळू निवळू लागल्या आहेत.
ढील्या झालेल्या वज्रमुठी,
नव्याने आवळू लागल्या आहेत.

कर्नाटकाचा एक विजय,
जणू जादूची कांडी होतो आहे !
दोस्ता आणि दोस्ता सोबत,
शत्रूचा शत्रूही सोबत येतो आहे!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8255
दैनिक झुंजार नेता
वर्ष -23वे
15म22023