सावधानतेचा सल्ला...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

सावधानतेचा सल्ला

तुरुंगात जायचे की भाजपात?
असा विरोधकांना ऑप्शन आहे.
'हा देशातल्या दोन मदाऱ्यांचा खेळ'
सोबत 'प्रकाश'मान कॅप्शन आहे.

काटाकाटी आणि छाटाछाटीचा,
संदेशही यातून मिळाला आहे.
छोट्याबरोबर मोठा मासाही,
म्हणे भाजपाच्या गळाला आहे.

मदारी आणि माकडांवरतीही,
हा अगदी उघड उघड हल्ला आहे !
त्यात 'वकिली पॉईंट' असला तरी,
मित्राला सावधानतेचा सल्ला आहे !!

-सूर्यकांत डॊळसे,पाटोदा(बीड)
मोबाईल-9923847269
-----------------------------
दैनिक मराठी वात्रटिका
26मे2023