ट्रॅप अलर्ट ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------------

ट्रॅप अलर्ट

इंटरनेटच्या मायावी जगात,

थोडे पांढरे,जादा काळे आहे.

फसल्यावर सुद्धा कळत नाही.

भोवताली मायावी जाळे आहे.

आधी आशेने आशा वाढत जाते,

मग नशेने नशाही वाढत जाते.

इंटरनेटचे मायावी जाळे,

जो अडकतो त्याला वेढत जाते.

सुरुवातीला हनी वाटू लागते,

नंतर नंतर मग फनी वाटू लागते !

आधी लुटलेली मजाच मग,

तुमचे आयुष्यसुद्धा लुटू लागते !!

-सूर्यकांत डॊळसे,पाटोदा(बीड)

मोबाईल-9923847269

-------------------------

चिमटा-6807

दैनिक पुण्यनगरी

वर्ष -19वे

17मे2023