उपऱ्यांचे कौतुक...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------------

उपऱ्यांचे कौतुक

पक्षा पक्षातल्या निष्ठावानांचे

प्रश्न अधिकृत बिकट होत आहेत.

जे जे कानामागून आले ते तेच,

नको तेवढे तिखट होत आहेत.

काना मागून आलेल्यांना,

मानाच्या खुर्च्या लागत आहेत.

त्यांचा वाढत्या तिखटपणामुळे,

निष्ठावानांना मिरच्या लागत आहेत.

उपऱ्यांचाच मानपान आहे,

उपऱ्यांचेच सर्वत्र गुणगान आहे !

निष्ठावान कुठलेही असले तरी,

त्यांची सर्वत्र दाणादाण आहे !!

-सूर्यकांत डॊळसे,पाटोदा(बीड)

मोबाईल-9923847269

----------------------------------

फेरफटका-8260

दैनिक झुंजार नेता

वर्ष -23वे

21म22023