पॉलिटिकल प्रमोशन...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

पॉलिटिकल प्रमोशन

जे निव्वळ अशोभनीय आहे,
तेच नेमके त्यांना शोभू लागले.
आज काल चित्रपटांनाही,
पॉलिटिकल प्रमोशन लाभू लागले.

ज्याचे त्याचे प्रमोशन,
ज्याला त्याला लखलाभ असो.
पण ह्या घातक परंपरा आहेत,
लक्षात एवढी तरी बाब असो.

चित्रपटांचे प्रमोशन नको,
चित्रपटांचे फुकटचे शो नकोत !
चित्रपटांच्या माध्यमातून,
कुणाचे राजकीय खो खो नकोत !!

-सूर्यकांत डॊळसे,पाटोदा(बीड)
मोबाईल-9923847269
--------------------------------
चिमटा-6809
दैनिक पुण्यनगरी
वर्ष -19वे
18मे2023