नवरंग आहार.....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------------

नवरंग आहार

नवरात्रीच्या नवरंगांना,

आता नवीनच बहार आहे.

ज्या दिवसाचा जो रंग,

त्याच रंगाचा आहार आहे.

नवरात्रीच्या नवा रंगांची,

ही तर नवीनच धूम आहे.

जसे ल्यावे;तसेच खावे,

ही तर नवीनच टूम आहे.

ही रंगीत संगीत मेजवानी?

की हा डाएट प्लॅन आहे ?

आपल्यासाठी हे हास्यास्पद,

पण भक्तांसाठी छान आहे !

-सूर्यकांत डॊळसे,पाटोदा(बीड)

मोबाईल-9923847269

-------------------------------

दैनिक वात्रटिका

वर्ष -3रे

19ऑक्टोबर2023