तलवार ते वाघनखे....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

तलवार ते वाघनखे

आधी चर्चेत होती भवानी तलवार,
आता चर्चेत वाघनखे आहेत.
जसे कुणी उल्हासित आहेत,
तसे कुणी कुणी पोटदुखे आहेत.

कुणी पराक्रमाचे 'डफ' वाजतोय,
कुणी तुताऱ्या फुंकायला लागले !
वाघ नखांच्या अस्सलतेवरती,
कुणी कुणी शंकायाला लागले.

तलवार आणा;वाघनखे आणा,
सगळाच पराक्रमाचा वारसा आहे !
तुम्ही एकमेकांना जो दाखवताय,
तो राजकारणाचा आरसा आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8369
दैनिक झुंजार नेता
वर्ष -23वे
2 ऑक्टोबर2023