चमत्कारांची भुरळ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

चमत्कारांची भुरळ

चमत्काराला नमस्कार करणे,
हीच तर दुनियेची रीत आहे.
आंधळेपणाने विश्वास ठेवणे,
यावरतीच दुनियेची प्रीत आहे.

चमत्काराने डोळे दीपत नाहीत,
चमत्काराने डोळे आंधळे होतात.
एकदा लोक गोंधळून गेले की,
चमत्काराने तेच वेंधळे होतात.

लोकांवर भुरळ घालण्यासाठी,
चमत्कार ही एक संधी असते !
चमत्कार म्हणजे हातचलाखी,
चमत्कार म्हणजे नजरबंदी असते!!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8372
दैनिक झुंजार नेता
वर्ष -23वे
5ऑक्टोबर2023