सुपारीबहाद्दर बुद्धीवादी..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

सुपारीबहाद्दर बुद्धीवादी

अंडरवर्ल्डप्रमाणे राजकारणातही,
आता सुपार्‍यावर सुपाऱ्या आहेत.
फक्त इथेच सुपाऱ्या वाजवतात,
ह्या तर निव्वळ फपाऱ्या आहेत.

सुपार्‍या घेणाऱ्यांच्या रांगेत,
इथले काही बुद्धीवादी आहेत.
सुपारीबहाद्दर बुद्धीवादी नाहीत,
ते तर पक्के बुद्धीभेदी आहेत.

जनतेच्या श्रद्धा आणि विश्वासाला,
बुद्धीवाद्यांकडून छेद दिला जातो !
नको त्याचा नको तसा अर्थ लावून,
जनतेचा बुद्धीभेद केला जातो !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8651
दैनिक झुंजार नेता
वर्ष -24वे
12ऑगस्ट2024