बंद:एक छंद...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

बंद:एक छंद

आज यांचा बंद आहे,
उद्या त्यांचा बंद आहे.
आजकाल ज्याला त्याला,
जणू बंदचाच छंद आहे.

ज्याच्या त्याच्याकडून,
बंदचा छंद पुरा केला जातो.
जनतेला वेठीस धरून,
डाव तडीस नेला जातो.

आपल्या तीव्र भावनांसाठी,
लोकभावना मारल्या जातात !
ज्यांचे पोट भरलेले असते,
त्यांनाच बंद स्फुरल्या जातात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8662
दैनिक झुंजार नेता
वर्ष -24वे
24ऑगस्ट2024