पुतळा का कोसळला आहे?...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

पुतळा का कोसळला आहे?

सागराच्या लाटापेक्षा मोठा,
गोंधळ उसळला आहे.
जो तो विचारू लागला,
पुतळा का कोसळला आहे ?

निषेधाच्या सुरात सुर,
ज्याने त्याने मिसळला आहे.
आपापला राजकीय स्वार्थ,
ज्याने त्याने घुसळला आहे.

लोक भावनेला गेले तडे,
नैतिक बुरुज ढासळला आहे !
हा प्रश्न मात्र अनुत्तरीत असेल,
पुतळा का कोसळला आहे ?

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8667
दैनिक झुंजार नेता
वर्ष -24वे
29ऑगस्ट2024