दंगल में मंगल...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

दंगल में मंगल

दंगलींच्या अंदाजाबाबत,
दंगल तज्ञांची एक वाक्यता आहे.
दंगलींचे अंदाज खरे ठरण्याची,
पुराव्यासहित शक्यता आहे.

सामाजिक सलोख्यामध्ये,
चिंता वाटावी असे दुरावे आहेत.
जिकडे बघावे तिकडे,
रस्त्यावर दंगलीचे पुरावे आहेत.

लोकांचा हिंस्रपणा एवढा की,
असे वाटते हे श्वापदांचे जंगल आहे !
ज्यांना लुटता येतो फायदा,
त्यांच्यासाठी दंगल मे मंगल आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8655
दैनिक झुंजार नेता
वर्ष -24वे
17ऑगस्ट2024