अपारंपरिक दृष्टिकोन...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

अपारंपरिक दृष्टिकोन

प्रथा आणि परंपरांच्याही,
नक्कीच काहीतरी व्यथा असतात.
जशा काही प्रथा चांगल्या,
तशा काही प्रथा कुप्रथा असतात.

प्रथा परंपरा पाळताना,
त्याची फेर मूल्यांकन झाले पाहिजे.
प्रथा परंपरा पुढे नेताना,
त्यांना नवे रूप देता आले पाहिजे.

ज्या टिकाऊ त्या टिकवल्या पाहिजेत,
ज्या टाकाऊ त्या टाकल्या पाहिजेत !
नव्या प्रथा परंपरा निर्माण करून,
आधुनिक परंपरा शिकल्या पाहिजेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8658
दैनिक झुंजार नेता
वर्ष -24वे
20ऑगस्ट2024