फटकळ विचार...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

फटकळ विचार

यांचा त्यांना धक्का आहे,
त्यांचा यांना धक्का आहे.
फोडा आणि राज्य करा,
सर्वांचाच इरादा पक्का आहे.

फोडले काय? फुटले काय?
सारखाच तर मामला आहे.
पक्ष कुठलाही असला तरी,
फोडाफोडीतच रमला आहे.

राजकीय फोडाफोडी बाबतचा,
आमचा विचार फटकळ आहे !
त्यांच्यासाठी फोडाफोडी म्हणजे,
किरकोळ आणि फुटकळ आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8668
दैनिक झुंजार नेता
वर्ष -24वे
30ऑगस्ट2024