आंदोलन विरुद्ध आंदोलन ..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

आंदोलन विरुद्ध आंदोलन

आंदोलनाविरुद्ध आंदोलन,
आंदोलनांची चढाओढ आहे.
सगळ्यांच्याच आंदोलनांचा,
आंदोलनावरती लोड आहे.

विरोधक आणि सत्ताधारी,
सगळे सेम टू सेम आहे.
आंदोलनानेच आंदोलनाचा,
ऑन द स्पॉट गेम आहे.

निषेधाचा विषय बाजूला,
आंदोलनांचा गाजावाजा आहे !
राजकीय बधिरता बघून,
चिंतीत महाराष्ट्र माझा आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8663
दैनिक झुंजार नेता
वर्ष -24वे
25ऑगस्ट2024