सुपारी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

सुपारी

कुणी उधळल्या सुपारी,
कुणाची सुपारी फुटली आहे.
सुपाऱ्यांचा खेळ बघून,
प्रेक्षकांनी मजा लुटली आहे.

कुणी सुपारी वाजवू लागले,
कुणी सुपारी कातरू लागले.
जे अडकले अडकित्त्यात,
ते मात्र बिथरू लागले.

कुणाची सुपारी कच्ची आहे,
कुणाची सुपारी पक्की आहे !
प्रचारात सुपारी गाजणार,
एवढे मात्र नक्की आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8649
दैनिक झुंजार नेता
वर्ष -24वे
10ऑगस्ट2024