कुरघोडी आणि राजकारण...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

कुरघोडी आणि राजकारण

ज्याला त्याला प्रत्येकाला,
फक्त खुर्चीचीच हाव आहे.
म्हणूनच राजकारणाचे,
कुरघोडी हे दुसरे नाव आहे.

कुरघोड्याशिवाय राजकारण नाही,
राजकारणाशिवाय कुरघोडी नाही.
तरीही राजकारण करणाऱ्यांची,
संख्या काही थोडीथिडी नाही.

राजकारण कुठलेही असो,
अगदी सगळीकडे हेच आहे !
आपण ज्याला कुरघोड्या म्हणतो,
त्यांच्या मते हा तर डावपेच आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8648
दैनिक झुंजार नेता
वर्ष -24वे
9ऑगस्ट2024