भावनाशून्य सत्य ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

भावनाशून्य सत्य

खरे बोलल्याने भावना दुखतात,
म्हणून कुणी खोटे बोलू नका.
इतरांना सुखावण्याच्या नादात,
कुणी नाकाने कांदे सोलू नका.

कुणाच्या भावना सुखावल्याने,
कोणतेच सत्य बदलत नाही.
कुणाच्या भावना दुखावल्याने,
कोणतेच सत्य बदलत नाही.

सत्य कोणतेही असले तरी,
सत्य हे भावनाशून्य असते !
कुणाच्या भावना बिवना दुखावणे,
हे सगळे परिस्थितीजन्य असते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8657
दैनिक झुंजार नेता
वर्ष -24वे
19ऑगस्ट2024