आजची वात्रटिका
--------------------------
चळवळ जिंदाबाद !
जशी चळवळ असते वेगळी,
तसा पक्षही वेगळा असतो.
दोघांनाही एक मानणारांचा,
इथेच घोळ सगळा असतो.
चळवळीचा पक्ष झाला की,
त्यात राजकारण घुसले जाते.
चळवळीच्या मूळ मुद्द्याचे,
हमखास बुड बसले जाते.
राजकारण आणि चळवळी,
वेगळ्या नजरेने पाहिल्या पाहिजेत!
राजकारण निरपेक्ष चळवळी,
सतत उभ्या राहिल्या पाहिजेत !!
-सूर्यकांत डॊळसे,पाटोदा(बीड)
मोबाईल-9923847269
-------------------------------,
फेरफटका- 9299
वर्ष-26 वे
दैनिक झुंजार नेता
6 जून 2026
