आजची वात्रटिका
--------------------------
महागाईचे मूळ
वाढत्या महागाईच्या आगीचा,
रोज नव्याने धाक आहे.
इंधन दरवाढीसोबत फिरणारे,
वाढत्या महागाईचे चाक आहे.
एकदा इंधन दरवाढ झाली की,
महागाई गरागरा फिरू लागते.
कालची जाणवणारी महागाई,
आज चक्क स्वस्ताई ठरू लागते.
कितीही आर्थिक नियोजन करा,
तरीही महागाईची झळ आहे !
इंधन दरवाढीमध्येच,
वाढत्या महागाईचे मूळ आहे !!
-सूर्यकांत डॊळसे,पाटोदा(बीड)
मोबाईल-9923847269
-------------------------------,
फेरफटका- 9295
वर्ष-26 वे
दैनिक झुंजार नेता
2 जून 2026
