आजची वात्रटिका
-------------------------
विसंगती
राजकारणात असे वाटत नाही,
सगळ्यांचेच इरादे नेक आहेत.
जसे आपल्या विरोधकांना आहेत,
तसे मित्रांचे मित्रांनाही चेक आहेत.
राजकारण्यांची सगळीजमातच ,
जेवढीअविश्वासू तेवढी भित्री असते.
जसा असतो त्यांचा स्वभाव,
अगदी तशीच त्यांची मैत्री असते.
राजकीय मित्रांचे आणि शत्रूंचेही,
राजकीय मैत्रीचे आव असतात !
पोटामध्ये शत्रुत्वाचे तर,
ओठावरती मैत्रीचे भाव असतात !!
-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8525
दैनिक झुंजार नेता
वर्ष -24वे
6 एप्रिल2024
No comments:
Post a Comment