असली नकलीचा संभ्रम...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

असली नकलीचा संभ्रम

ज्याने त्याने आपली अक्कल,
केव्हाच गहाण टाकली आहे.
त्यामुळेच ओळखू येईना,
कोण असली?कोण नकली आहे?

जे जे असली आहेत,
त्यांनाच नकली ठरवत आहेत.
प्रत्यक्षात नकली मात्र,
असली म्हणून मिरवत आहेत.

हा भ्रम मात्र कायम आहे,
कोण चुकीचे ? कोण रास्त आहे ?
असलीपेक्षा नकलीच्याच,
पाठीराख्यांची संख्या जास्त आहे!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8528
दैनिक झुंजार नेता
वर्ष -24वे
9 एप्रिल2024