यु टर्न ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

यु टर्न

कालच्या आपल्या सच्चाईचा,
अचानक बळी द्यावा लागतो.
सरळसोट घडले नाही की,
कुणालाही यु टर्न घ्यावा लागतो.

राजकारणामध्ये तर यू-टर्नचे,
वळणावरती नवे वळण असते.
आपल्याच सच्चाईची,
लोळणावरती नवी लोळण असते.

यु टर्न मारायची सवय झाली की,
साधे सरळही चालता येत नाही !
आपलाच बाणेदारपणाही,
आपल्यालाच पेलता येत नाही !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8542
दैनिक झुंजार नेता
वर्ष -24वे
23एप्रिल2024