अशी ही पाठिंब्याची तऱ्हा ..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

अशी ही पाठिंब्याची तऱ्हा

कुुणी पाठिंबा देते आहे,
कुणी पाठिंबा काढून घेते आहे.
निवडणुकीच्या धामधुमीत,
पाठिंब्याची ऐशी तैशी होते आहे.

कुणाचा पाठिंबा उघड आहे,
कुणाचा पाठिंबा आतून आहे.
कुणी पाठिंबा मागावा म्हणून,
अगदीच नटून थटून आहे.

कुणाचा पाठिंबा दिखाऊ आहे,
कुणाचा पाठिंबा विकाऊ आहे !
दिला काय?नाही दिला काय?
कुणाचा पाठिंबा टाकाऊ आहे !!

-सूर्यकांत डॊळसे,पाटोदा(बीड)
मोबाईल-9923847269,
-------------------------------
फेरफटका-8739
दैनिक झुंजार नेता
वर्ष -24वे
13 नोव्हेंबर2024