मोसमी मुख्यमंत्री ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

मोसमी मुख्यमंत्री

मित्रांकडूनच मित्रांना,
मुख्यमंत्री पदासाठी खोडा आहे.
पाठीशी प्रचंड बहुमत असूनही,
मुख्यमंत्री पदाचा तिढा आहे.

सध्याचा फॉर्मुला तरी,
एक फुल;दोन हाफ आहे.
पण कोण कुठे बसणार?
हे चित्र तरी कुठे साफ आहे ?

डावे-उजवे करायचे नसेल तर,
मोसमी मुख्यमंत्री झाले पाहिजेत !
एका ऋतुला एक मुख्यमंत्री,
असे तीन मुख्यमंत्री केले पाहिजेत !!

-सूर्यकांत डॊळसे,पाटोदा(बीड)
मोबाईल-9923847269,
-------------------------------
फेरफटका-8751
दैनिक झुंजार नेता
वर्ष -24वे
26 नोव्हेंबर2024