प्रचाराची वस्तुस्थिती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

प्रचाराची वस्तुस्थिती

सगळेच एकमेकांची इज्जत,
प्रचार सभेत काढायला लागले.
रंगाचे बेरंग होत असले तरी,
प्रचाराला रंग चढायला लागले.

काय त्यांचे आरोप प्रत्यारोप?
कसली कसली त्यांची भाषा आहे?
लोकांची तर पक्की खात्री पटली,
प्रचार म्हणजे उघडा तमाशा आहे.

कुणी मारतोय ढगात गोळ्या,
कुणाचे आरोप पुराव्यासहित आहेत !
हे सांगायला चोरी कसली?
ज्याच्या वाटा त्यालाच माहित आहेत !!

-सूर्यकांत डॊळसे,पाटोदा(बीड)
मोबाईल-9923847269,
-------------------------------
फेरफटका-8733
दैनिक झुंजार नेता
वर्ष -24वे
7 नोव्हेंबर2024