समदुःखी कार्यकर्ते....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

समदुःखी कार्यकर्ते

कार्यकर्ता कुणाचाही असला तरी,
त्यांना एकमेकांची कदर असते.
निवडणुकीनंतरची आपली कहाणी,
एकमेकांच्या पुढे सादर असते.

नेत्यांबरोबर इमान राखणारे,
बेईमान तर बापाशी असतात.
कालपर्यंत जे तुपाशी होते,
निवडणुकीनंतर ते उपाशी असतात.

सगळ्या कार्यकर्त्यांची दुःख सारखेच,
जरी त्यांची वेगवेगळी पार्टी असते !
कार्यकर्ते नावाची सगळी जमात,
जेवढी अमाप तेवढीच खुरटी असते !!

-सूर्यकांत डॊळसे,पाटोदा(बीड)
मोबाईल-9923847269,
-------------------------------
फेरफटका-8753
दैनिक झुंजार नेता
वर्ष -24वे
28 नोव्हेंबर2024