पालकमंत्री पद ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

पालकमंत्री पद

पालकमंत्री पदाच्या शर्यतीचे,
प्रकार तसे एकदम रास्त आहेत,
त्याचे खरे कारण असे,
जिल्हे कमी; मंत्री जास्त आहेत.

कुणी कुणी एक सोडून,
दोन जिल्ह्यांचा मालक आहे.
आपल्या सोडून इतरांच्या,
जिल्ह्याचा कुणी पालक आहे.

कुणाची खुशी;कुणाची नाराजी,
प्रकार गृहीत धरावे लागतील !
सगळ्यांनाच खुश करण्यासाठी,
नवीन जिल्हे करावे लागतील !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8804
वर्ष-25 वे
दैनिक झुंजार नेता
19जानेवारी 2025