बगल आणि बच्चे...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

बगल आणि बच्चे

कुणी कच्चे;कुणी बच्चे,
कुणी कुणी मात्र सच्चे आहेत.
ज्यांनी त्यांनी पोसलेले,
आपापले बगलबच्चे आहेत.

बगलबच्चाच्याच खांद्यावरती,
ज्याची त्याची मदार आहे.
त्यांचा खेळ रोखीचा असतो,
इतरांचा खेळ मात्र उधार आहे.

गॉडफादरच्या अधिकाराला,
बगलबच्चाकडून बगल आहे !
तेच तेवढे शहाणे असतात,
बाकी जमाना जणू पागल आहे !!

-सूर्यकांत डॊळसे,पाटोदा(बीड)
मोबाईल-9923847269,
-------------------------------
फेरफटका-8791
दैनिक झुंजार नेता
वर्ष -25 वे
6 जानेवारी 2025