निष्ठेची शिकवण..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

निष्ठेची शिकवण

एक जात सगळे गद्दार,
निष्ठेच्या अफवा उठू लागले.
एक जात सगळे गद्दार,
परस्परांना निष्ठा शिकवू लागले

इतरांना निष्ठा शिकवताना,
सारखेपणा राखला आहे.
आपापल्या पक्षीय निष्ठेचा,
गद्दारांकडून दाखला आहे.

सगळा विरोधाभास बघताना,
आपल्याला हसू फुटू लागले !
आपणच निष्ठावंत असल्याचे,
सर्वच गद्दारांना वाटू लागले !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8810
वर्ष-25 वे
दैनिक झुंजार नेता
25जानेवारी 2025